QR SІM: Polsha Qazaqstanmen mashına jasaý jáne energetıka salasynda yntymaqtastyqty damytýǵa yntaly
ASTANA. 30 qazan. QazAqparat - Ústimizdegi jylǵy 28-29 qazanda Varshavada Qazaqstan Respýblıkasy Syrtqy ister mınıstriniń birinshi orynbasary Rápil Joshybaev pen Polsha Respýblıkasynyń Vıtse-premeri ári Ekonomıka mınıstri ıAnýsh Pehochınskııdiń (Janusz Piechocinski) teń tóraǵalyqtarymen Ekonomıkalyq yntymaqtastyq boıynsha Qazaqstan-Polsha úkimetaralyq komıssııanyń otyrysy ótti.
Komıssııaǵa qatysýshylar taraptardyń ótken jylda oryn alǵan qyzmetiniń nátıjelerin qarastyryp, ekijaqty saýda aınalymynyń 2,1 mlrd. AQSh doll. qurap, 23%-ǵa óskenin atap ótti.
«Ekijaqty yntymaqtastyq damýynyń qazirgi qarqyny Qazaqstan - Polsha úkimetaralyq komıssııasynyń eki el úshin tıimdi suhbat alańyna aınalǵanyn kórsetedi» - dedi R. Joshybaev. Onyń pikirinshe, Qazaqstannyń jylyna 5%-dan tómen túspeıtin ekonomıkalyq ósimi jáne atalǵan úrdistiń saqtalýy týraly jaǵymdy boljamdar eki el arasynda ekonomıkalyq yntymaqtastyqtyń ary qaraı nyǵaıýyna jaqsy negiz beredi.
Óz kezeginde ıA. Pehochınskıı yntymaqtastyqtyń damýy úshin keleshegi mol salalar arasynda mashına jasaý, energetıka, qorǵanys jáne taý ken ónerkásipterin, kólik tasymaly men logıstıkany, aýyl sharýashylyǵy ónimderin óńdeýdi atap ótti.
«Qazaqstannyń 2014 j. Dúnıejúzi saýda uıymynyń múshesine aınalýy saýda-ekonomıkalyq yntymaqtastyǵymyzdyń nyǵaıýy, taýar aınalymy men ınvestıtsııalardyń ósimi úshin budan da turaqty jáne aıqyn jaǵdaı týdyratynyna senemiz», - dep atap ótti polıak vıtse-premeri.
Úkimetaralyq komıssııa jumysyna ortalyq memlekettik organdary ókilderimen qatar Batys Qazaqstan, Qostanaı jáne Qaraǵandy oblystary ákimderiniń orynbasarlary qatysqan bolatyn. Olar polıak seriktesterimen 2014 j. Qazaqstan men Polsha arasynda óńiraralyq yntymaqtastyq máselerin talqylady.
Іs-sharanyń qorytyndysymen bekitilgen komıssııa otyrysynyń Hattamasy ózara taýar aınalymy men ınvestıtsııa almasý úshin qolaıly jaǵdaı qalyptastyrýǵa baǵyttalǵan tapsyrmalar toptamasyn jańartty.
Sonymen qatar, taraptar bilim berý salasynda úkimetaralyq kelisim men standartızatsııa jáne veterınarııa salalarynda vedomstvoaralyq memorandýmdardyń qol qoıýǵa daıyn ekendikterine nazar aýdardy.
Varshavada ótken kelissózderdiń qorytyndysymen R. Joshybaev Vıtse-premer ıA. Pehochınskııdi jetekshi polıak kompanııalary basshylarymen birge jaqyn arada Astanaǵa kelýge shaqyrdy, dep habarlady QR SІM baspasóz qyzmetinen.
