QR SІM Ózbekstanda ustalǵan qazaqstandyq týrısterdiń máselesin sheshýmen aınalysýda
ASTANA. 29 shilde. QazAqparat. Qazaqstan Respýblıkasynyń Syrtqy ister mınıstri Erjan Qazyhanov QR Premer-mınıstri Kárim Másimovqa Ózbekstanda qazaqstandyq týrıstermen bolǵan oqıǵaǵa baılanysty aǵymdaǵy jaǵdaıdy baıandady, dep habarlaıdy QR SІM baspasóz qyzmeti.
Qazaqstandyq syrtqy saıasat vedomstvosynyń basshysy atalǵan másele QR Syrtqy ister mınıstrliginiń jáne Tashkenttegi qazaqstandyq Elshiliktiń qatań baqylaýynda turǵanyn jetkizdi.
Atap aıtqanda, aqparat alysymen Elshiliktiń konsýly Tashkent oblysynyń Gazalkent qalasyna barǵan bolatyn jáne onda Bastandyq aýdany ІІB bizdiń 12 azamatymyz ustalǵanyn jáne olardyń tórteýi qazir Kıbraı qalasynyń ońaltý ortalyǵynda ekendigin rastady. Al qalǵan kámelet jasqa tolmaǵan segiz azamatymyz ıAngııýl kámelettik jasqa tolmaǵan balalarǵa arnalǵan arnaıy qabyldaý bóliminde ornalasqan.
Bir kúnnen keıin qazaqstandyq dıplomattar Bostandyq aýdany ІІB tergeý bóliminiń ókilderimen kezdesti. Olardyń aqparattaryna sáıkes, qazaqstandyq azamattardy ózbek shekarashylary Ózbekstan aýmaǵynda, Qazaqstan jaǵynan Ýgam qoryǵynyń jáne Ózbekstan jaǵynan Brıchmýlla aýyldy mekeniniń janyndaǵy shekaralas taýly aýdanda ustaǵan.
28 shilde kúni kámeletke tolmaǵan qazaqstandyq balalardyń ata-analary Tashkentke kelip, bizdiń dıplomattarmen birge kezdesýge ruqsat alyp, ıAngııýl qalasynda QR Konsýlynyń qatysýymen ustalǵan qazaqstandyq kámeletke tolmaǵan balalarymen kezdesti.
Ata-analary olarmen jeke sóılesip, balalarynyń jaǵdaılary qanaǵattanarlyq ekenine kózderin jetkizip, qajetti kıim-keshekterin, azyq-túlikteri men jeke gıgıena zattaryn berýge múmkindik aldy. Balalardyń jalpy jaǵdaıy qanaǵattanarlyq ekeni ataldy; úsh mezgil tamaqpen, medıtsınalyq baqylaýmen jáne bos ýaqytpen qamtamasyz etilgen.
Ata-analar arnaıy qabyldaý bóliminiń basshylyǵymen kezdesip, jasalyp otyrǵan jaǵdaı men qyzmetkerlerdiń balalarǵa degen qatynasy jóninde surastyrdy. Ata-analardyń balalarymen kezdeskennen keıin ýaıymdary aıtarlyqtaı basyldy.
30 shilde kúni balalardy Qazaqstanǵa jiberý josparlanyp otyr. Qazirgi ýaqytta qajetti qujattardy rásimdeý jumystary júrgizilip jatyr.
Búgin, 29 shilde kúni, Kıbraı qalasynda QR-nyń qalǵan tórt azamatymen elshiliktiń qyzmetkerleriniń kezdesýi kútilip otyr.
Sondaı-aq Qazaqstan Respýblıkasynyń Syrtqy ister mınıstrligi atalǵan is boıynsha Ózbekstan Respýblıkasynyń Syrtqy ister mınıstrligine verbaldy notasyn joldady.
«1963 jylǵy 24 sáýirdegi Konsýldyq qatynastar týraly Vena Konventsııasynyń 36-babynyń 1-tarmaǵyna sáıkes, bolý memleketiniń quzyretti organdarymen ustalǵan, qamaýǵa alynǵan, qaıtys bolǵan jáne basqa da fors-majorlyq jaǵdaıǵa túsken sheteldik azamattar týraly aqparat shuǵyl túrde sol memlekettiń dılomatııalyq mekemesine joldanýy tıis»,-dep atalǵan qujatta. Osyǵan oraı, QR SІM «atalǵan fakt Qazaqstan Respýblıkasy men Ózbekstan Respýblıkasy arasynda máńgilik dostyq týraly Kelisimge sáıkes ornaǵan dostyq qarym-qatynastarǵa saı kelmeıtinin» atap ótti.
Osy oraıda QR Syrtqy ister mınıstrligi ózbek tarapyna qazaqstandyq azamattardy ustaýǵa qatysty oryn alǵan jaǵdaı boıynsha túsindirme berý jóninde ótinishin jetkizdi.
SІM bizdiń azamattarmyzdyń quqyqtaryn qorǵaý boıynshy barlyq qajetti kómekti atqaryp otyr jáne bizdiń azamattarymyzdyń tezirek bosalyp, Qazaqstanǵa qaıtýy úshin barlyq tıisti dıplomatııalyq sharalardy qoldanýda.
