QR SІM ortalyq apparatynda qansha jas dıplomat jumys isteıdi
ASTANA. QazAqparat - QR Syrtqy ister mınıstrliginiń ortalyq apparatynda 289 jas dıplomat jumys isteıdi. Bul týraly búgin «Qazaqstan dıplomatııasynyń jańa esimderi» atty kitaptyń tanystyrylymynda QR SІM orynbasary Roman Vasılenko aıtty, dep habarlaıdy QazAqparat tilshisi.
«Bizdiń ortalyq apparatta 289 jas dıplomat jumys isteıdi. Onyń ishinde 60 adam basshylyq laýazymda qyzmet atqarady», - dedi ol.
Osy oraıda mınıstr orynbasary ortalyq apparattyń basshylyq qyzmetinde 9 áıeldiń baryn jáne aldaǵy ýaqytta bul sandy ulǵaıtý baǵytynda jumys júrgiziletindinin aıtty.
«Genderlik teńdikti retteý baǵytynda jumys júrgizetin bolamyz. Bizde áıel elshiler de bar. Qazirgi ýaqytta 60 Elshiniń úsheýi - áıel. Olar Belgııa, Taıland jáne Shveıtsarııada jumys isteıdi. Degenmen munyń ózi de ilgerileýshilik desek bolady. Sebebi erterekte Gollandııada ǵana bolǵan edi», - dedi SІM orynbasary.
Sonymen qatar ol vedomstvoda 2 PHD doktory, 1 ǵylym kandıdaty, «Bolashaq» stıpendııasynyń 18 túlegi, QR Prezıdenti janyndaǵy Memlekettik basqarý akademııasy Dıplomatııa ınstıtýtynyń 86 túlegi jumys isteıtinin atap ótti.
«Olarǵa turaqty negizde kásibı deńgeılerin kóterýge múmkindik beriledi. Dıplomattarymyz Memlekettik basqarý akademııasynda únemi biliktiligin arttyryp, qaıta daıyndyqtan ótedi. Magıstratýrada, aspırantýrada bilim alady», - dedi ol.
