QR SІM Ońtústik Koreıada qazaqstandyqtyń jarylystan zardap shekkendigi týraly aqparatty tekserýde
ASTANA. QazAqparat - QR Syrtqy ister mınıstrligi Ońtústik Koreıada qazaqstandyqtyń jarylystan zardap shekkendigi týraly aqparatty tekserýde. Bul týraly QazAqparatqa elimizdiń Syrtqy ister mınıstrliginiń baspasóz qyzmetinen habarlady.
Aıta keteıik, buǵan deıin Reseıdiń TASS agenttigi «Ońtústik Koreıanyń Kanvondo ólkesindegi jarylys saldarynan Reseıdiń emes Qazaqstannyń azamaty zardap shekkendigin» habarlaǵan bolatyn. Bul jaıynda TASS tilshisine atalǵan eldegi Reseıdiń dıplomatııalyq ókildigi konsýldyq bóliminiń meńgerýshisi Vladıslav Moshkýtelo málim etken.
«Elshilik saýalyna jaýap bergen Koreıa Respýblıkasynyń quziretti organdary Reseıdiń emes Qazaqstannyń azamaty jaıynda sóz bolǵanyn naqtylady», - dedi konsýl.
Buǵan deıin «Renhap» agenttigi zardap shekken azamattyń reseılik ekendigin habarlaǵan edi. Aldyn ala málimetterge sáıkes, Kanvondo ólkesindegi fermalardyń birinde jumys isteıtin azamat tankige qarsy qoldanylatyn mınaǵa túsip jarylǵan. Ol taıaý mańdaǵy aýrýhanǵa jetkizilgen.
Polıtsııa men áskerı qyzmetshiler oqıǵany tergeýde. Kanvondo ólkesi KHDR-men shektesedi.
