QR SІM Nıderlandyǵa ushatyn Qazaqstan azamattaryna aqparat taratty

NUR-SULTAN. QazAqparat - Nıderlandynyń Qazaqstandaǵy Elshiliginen túsken aqparatqa sáıkes, koronavırýs pandemııasyna baılanysty 2021 jylǵy 23 qańtardan bastap atalmysh elge kirýdiń baqylaý sharalary kúsheıtildi. Bul týraly QR Syrtqy ister mınıstrliginen málim etti, dep habarlaıdy QazAqparat.

«Atap aıtqanda, sol elge kelgenderdiń barlyǵy Nıderlandyǵa kirerden 72 saǵat buryn tapsyrylǵan COVID-19 PTR-testiniń teris nátıjesi bar anyqtamany, sondaı-aq COVID-19 ekspress-testiniń teris nátıjesin («antıgen ekspress-test» dep atalady) kórsetýi kerek. Bul talaptar tranzıttik jolaýshylarǵa da qatysty.

COVID-19 ekspress testin Nur-Sultan jáne Almaty qalalaryndaǵy halyqaralyq áýejaılarda ornalasqan zerthanalarda tapsyrýǵa bolady. Osy másele boıynsha aqparat alý úshin tıisti áýejaıdyń aqparattyq qyzmetine habarlasý qajet», - dedi mınıstrlikten.