QR SІM: Nıtstsadaǵy terakttan qaza tapqandar men japa shekkenderdiń arasynda qazaqstandyqtar bar degen aqparat túspedi
ASTANA. QazAqparat - Nıtstsadaǵy terakt saldarynan qaza tapqandar men japa shekkenderdiń arasynda qazaqstandyqtardyń bar-joqtyǵy týraly aqparat túspedi, dep habarlady QR Syrtqy ister mınıstrligi Tvıtterdegi resmı paraqshasynda.
«Qazirgi ýaqytta Nıtstsadaǵy terrorlyq akty qurbandarynyń arasynda Qazaqstan azamattarynyń bar-joqtyǵy jóninde málimet túspegen, aqparat qosymsha tekserilýde. Nıtstsa qalasyndaǵy terrorlyq aktini qatań aıyptaımyz. Frantsııa halqynyń qaıǵysyna ortaqtasamyz. Terrorızm búkil álemge ortaq qaýip-qater», - delingen habarlamada.
