QR SІM Nıtstsada qaza tapqan qazaqstandyqtardyń denesin elge jetkizýge járdem beredi
ASTANA. QazAqparat - QR SІM Nıtstsada qaza tapqan qazaqstandyqtardyń denesin elge jetkizýge járdem beredi. Bul týraly búgin «QazAqparat» tilshisine QR Syrtqy ister mınıstrliginiń baspasóz hatshysy Anýar Jaınaqov málim etti.
Onyń aıtýyna qaraǵanda, qazaqstandyqtardyń múrdelerin Frantsııadan Qazaqstanǵa jetkizý merzimi ázirge belgisiz.
«Biz Nıtstsada kóz jumǵan qazaqstandyqtardyń denelerin elge jetkizýge qol ushyn beretin bolamyz. Ol qashan bolatyny týraly aqparat joq», - dedi ol.
Eske sala ketsek, 14 shilde kúni Nıtstsada bolǵan lańkestik áreketten Qazaqstan azamattary: Panchenko Lıýbov (1956), Panchenko Marına (1983), Panchenko Sılvııa (2013) men Otto Natalıa (1959) qurban bolǵan. Qazirgi ýaqytta QR SІM olardyń týǵan-týystarymen barlyq qajetti sharalardy jasap jatyr.
