QR SІM Nepaldaǵy qazaqstandyqtarǵa qatysty túsinikteme berdi
ASTANA. QazAqparat - QR Syrtqy ister mınıstrliginiń erekshe tapsyrmalar jónindegi Elshisi A. Ábıbýllaev alapat jer silkinisi oryn alǵan Nepaldaǵy QR azamattary jaıynda túsinikteme berdi, dep habarlaıdy vedomstvonyń baspasóz qyzmeti.
Búgingi kúni QR-dyń Úndistandaǵy Elshiligine Nepaldaǵy týysqandary men jaqyndaryna alańdaýshylyq bildirgen azamattarymyzdan saýalnamalar kelip túsýde.
Jel silkinisteri telekommýnıkatsııa baılanystaryna zaqym keltirip, QR azamattarymen baılanys ornatý qıyn bolyp otyr. Sol sebepti olar múmkindiginshe Elshilikke ózderi baılanysqa shyǵyp júr.
Qazirgi tańda biz 11 qazaqstandyqpen baılanys ornattyq. Olar:
1) Kýzına Svetlana (4 balasymen);
2) Kolejnıkov Ivan;
3) Faızalıev Rasýl;
4) Abzaldykova Janna (2 balasymen);
5) Bezborodov Sergeı.
Sońǵy jer silkinisteri kezinde Nepalda bolýy múmkin kelesi azamattarmen baılanys ornatý jáne mekenin anyqtaý jumystarynda nepaldyq jáne reseılik áriptesterimiz kómek kórsetýde:
1) Tropynına Olga;
2) Mahambetov Aıbek,
3) Kaıpov Aıdar jáne jubaıy Kasenko Marına;
4) Elena Sherpa.
Nepaldaǵy azamattarymyzdyń sany ózgerýi múmkin ekenin túsinemiz. Olardyń ózge elderge ketýi de yqtımal.
Qazaqstan jáne Nepal arasynda dıplomatııalyq qatynastar ornatylmaǵan bolsa da, nepaldyq tarap bizge barynsha kómek kórsetýde.
QR azamattary Nepalda konsýldyq esepke tirkelmeıdi jáne QR azamattarynyń elge kelýi jáne turýy týraly málimetter qazaqstandyq tarapqa berilmeıdi.
QR azamattarynyń Nepaldan reseılik TJM kómegimen evakýatsııalanýy qazirgi tańda reseılik tarappen talqylanyp jatyr. Bizdiń azamattarǵa evakýatsııa shtaby uıymdastyrǵan Katmandý qalasyndaǵy RF mádenı ortalyǵyna barý usynyldy. Evakýatsııalanǵan azamattar Úndistanǵa kelgende QR Elshiligi olardy Nıý-Delıden Almatyǵa attanýyna kómektesedi.
QR azamattarymen baılanys ornatý jáne olarǵa kómek kórsetý máselesi Syrtqy ister mınıstrliginiń erekshe baqylaýynda.
