QR SІM Nıý-Delıdegi órtke baılanysty kóńil aıtty
NUR-SULTAN. QazAqparat - Úndistanda bolǵan órtke baılanysty QR SІM málimdeme jasady, dep habarlaıdy QazAqparat mınıstrliktiń baspasóz qyzmetine silteme jasap.
«Nıý-Delı qalasynda ornalasqan fabrıkalardyń birinde oryn alǵan órt saldarynan adamdardyń qazasyna alyp kelgen sýyt habardy kúızelispen qabyldadyq.
Qazaqstan dostas úndi halqynyń orny tolmas qaıǵysyna ortaqtasady. Qaıtys bolǵandardyń otbasylary men týysqandaryna qaıǵyryp kóńil aıtamyz jáne zardap shekkenderge tezirek saýyǵyp ketýdi tileımiz», delingen habarlamada.
Eske sala ketsek, ótken jeksenbi kúni Úndistan astanasy Delıdiń soltústigindegi Anadj Mandı aýdanynda fabrıka órtenip, 43 adam mert bolǵan eldi.
