QR SІM Mına jazyǵynda keptelis saldarynan qaza tapqan qajylar qatarynda qazaqstandyqtardyń bar-joǵyn tekserip jatyr

«Mekkede adamdardyń syǵylysýy saldarynan qaza tapqandardyń qatarynda qazaqstandyqtardyń bar-joǵyn tekserip jatyrmyz. Osy kúnderi elimizdiń 4000-daı azamaty qajylyq paryzyn ótep jatyr», - dedi QR SІM baspasóz qyzmetiniń basshysy Anýar Jaınaqov óziniń Tvıtter-degi paraqshasynda.

Eske sala keteıik, búgin Saýd Arabııasynyń Mına jazyǵynda keptelis saldarynan qajylyqqa barǵan 220-dan astam adam qaza taýyp, 450-den astam adam zardap shekti.

Mına jazyǵynda qaza tapqandar men jaraqattanǵandar qaı ult ókilderi ekendigi týraly aqparat kelip túsken joq.

Tańerteń musylmandar úshin kıeli qala - Mekkeden birneshe shaqyrym jerde ornalasqan Mına jazyǵynda musylmandardyń Id ál-Adha - Qurban aıt merekesiniń qurmetine oqylǵan namazǵa kóptegen elderden kelgen júzdegen myń qajy jınalǵan edi.