QR SІM Máskeýde Qazaqstan azamatshasynyń óltirilgenin rastady
ASTANA. 26 qarasha. QazAqparat - Syrtqy ister mınıstrligi 2013 jyly 23 qarashada Máskeýde zorlyqpen óltirilgen qazaqstandyq áıeldiń múrdesi tabylǵany jaıly aqparatty taratty.
QR Máskeýdegi konsýldyq bóliminiń aqparaty boıynsha, óltirilgen áıel 32 jastaǵy Birjahanym Najapova bolyp shyqty.
Dál osy kúni, ıaǵnı 23 qarashada Máskeýdiń tıisti tergeý organy óltirilgen Qazaqstan azamatshasyna qatysty is qozǵady. Qazirgi ýaqytta qylmysty jasaǵan adamdy anyqtaý úshin jedel izdeý jáne tergeý sharalary júrgizilip jatyr.
QR SІM bul máseleni baqylaýǵa aldy.
