QR SІM Máskeýde qaıtys bolǵan qazaqstandyq stýdent týraly derekterdi jarııalady
ASTANA. QazAqparat - QR Syrtqy ister mınıstrligi Məskeý memlekettik ýnıversıtetinde qaıtys bolǵan qazaqstandyq týraly derekterdi jarııalady, dep habarlaıdy QazAqparat tilshisi.
QR SІM baspasóz qyzmetiniń jetekshisi Aıbek Smadııarovtyń aıtýynsha, 2019 jylǵy 25 aqpanda M. Lomonosov atyndaǵy Máskeý memlekettik ýnıversıtetiniń jataqhanasynda saǵat 18.00-de atalǵan ýnıversıtettiń besinshi kýrs stýdenti 1995 jyly týǵan Qazaqstan Respýblıkasynyń azamaty Tamırlan Kırıbaevtyń máıiti tabyldy. Ólimniń aldyn ala sebebi - tunshyǵý.
«T. Kırıbaevtyń ólimine baılanysty Máskeý qalasynyń Batys ákimshilik okrýgy Tergeý basqarmasynyń Nıkýlınskıı aýdanaralyq tergeý bólimi tergeýge deıingi tekseristi bastady. 26 aqpanda Qazaqstannyń Elshiligi Reseı Federatsııasynyń Syrtqy ister mınıstrligine resmı túrde habarlasyp, bul isti baqylaýǵa alýdy jáne jan-jaqty qolǵabys kórsetýdi surady», - dedi ol.
Onyń aıtýynsha, qazirgi ýaqytta T. Kırıbaevtyń týystary Elshiliktiń Konsýldyq bóliminiń qyzmetkerlerimen birge Máskeý qalasynyń Nıkýlınskıı aýdanaralyq tergeý bóliminde. Onyń aldynda olar ýnıversıtettiń basshylyǵymen kezdesti.
