QR SІM málimdemesi: Bostondaǵy lańkestikke kúdiktilerdiń Qazaqstanǵa esh qatysy joq
ASTANA. 20 sáýir. QazAqparat - Bostondaǵy lańkestikke kúdiktilerdiń Qazaqstanǵa esh qatysy joq. Bul týraly QR Syrtqy ister mınıstrliginiń málimdemesinde aıtylǵan.
«Baspasóz quraldary taratqan Bostondaǵy oqıǵalarǵa qatysty qaıshy habarlamalar bizge belgili. Bul aqparattarǵa sáıkes kúdiktiler buryn birneshe memleketterde, sonyń ishinde Qazaqstanda da turǵan. Búginge deıin biz bul habarlamalardy rastaıtyn derekterdi taba almadyq. Ózimizdiń tarapymyzdan biz amerıkalyq áriptesterimizge barynsha qolǵabys kórsetýge daıynbyz. Qazaqstan lańkestik aktilerdiń qandaı formada bolmasyn, barlyq túrin úzildi-kesildi batyl aıyptaıdy jáne Boston turǵyndaryna shyn júrekten nıettestigin bildiredi», - delingen málimdemede.
