QR SІM: Qazaqstan Stambuldaǵy teraktini úzildi-kesildi aıyptaıdy
ASTANA. QazAqparat - Stambuldaǵy terrorıstik áreketke baılanysty Qazaqstan Respýblıkasynyń Syrtqy ister mınıstrligi málimdeme taratty.
«Qazaqstan birqatar elderdiń azamattary qurban bolǵan 2016 jylǵy 19 naýryzda Stanbulda oryn alǵan terrorlyq áreketti úzildi-kesildi aıyptaıdy. Qazaqstan Túrkııa úkimetine tolyq qoldaý kórsetetinin rastaıdy jáne onyń terrorızmge qarsy kúresine nıettestik bildiredi.
Álem qaýymdastyǵynyń múshesi retinde Qazaqstan Túrkııadaǵy jaǵdaıǵa alańdaýshylyǵyn bildire otyryp, terrorızmdi onyń barlyq túrlerinde jáne kórinisterinde úzildi-kesildi aıyptaıdy jáne bul qubylysty joıý úshin álem qaýymdastyǵynyń birlese kúsh salýyn qoldaıdy. Qazaqstan terrorıstik áreketter búkil álemniń qaýipsizdegi úshin qaýip-qater dep sanaıdy.
Halyqaralyq quqyq qaǵıdalaryna jáne Birikken Ulttar Uıymy (BUU) Qaýipizdik Keńesiniń tıisti qararlaryna júgine otyryp, Qazaqstan álemniń barlyq elderin terrorızm men ekstremızmniń jaıylýyna qarsy BUU aıasynda birlese áreket jasaýǵa shaqyrady. Sondyqtan Qazaqstan Respýblıkasynyń Prezıdenti Nursultan Nazarbaev BUU sheńberinde jasalǵan baıandamasynda Jahandyq terrorızmge qarsy koalıtsııa (júıe) qurý jaıynda bastamany jarııalaǵan bolatyn»,-delingen málimdemede.
