QR SІM: Qazaqstan Elshiligi Mıýnhen polıtsııasymen turaqty baılanysta
ASTANA. QazAqparat - Mıýnhende Qazaqstan Elshiligi jergilikti quqyq qorǵaý organdarymen turaqty túrde baılanysyp otyr. Bul týraly QR Syrtqy ister mınıstrligi baspasóz qyzmetiniń jetekshisi Ánýar Jaınaqov habarlady.
«Dál qazir qaza tapqan, jaralanǵan qazaqstandyqtar týraly aqparat joq. Jańalyqtar bolyp jatsa, sizderge habar beremiz», - dedi ol.
Aıta keteıik, juma kúni keshke Mıýnhen ortalyǵyndaǵy «Olımpııa» saýda úıi mańyna qarýly shabýyl jasaldy. Nátıjesinde, 9 adam mert bolyp, 16 adam aýrýhanaǵa jatqyzyldy. Polıtsııa 18 jastaǵy Iran týmasynyń oq atqanyn habarlady, onyń sebep-saldary áli anyqtalmady. Polıtsııa málimeti boıynsha, shabýylshy jalǵyz áreket etken jáne ózine-ózi qol jumsaýy múmkin.
-Mıýnhendegi shabýyldy terrorıstik akt dep sanaý kerek pe, joq pa, ázirge belgisiz -, dep málimdedi qalalyq polıtsııa basshysy Hýbertýs Andre.
