QR SІM «QazAqparattyń» Qazaqstannyń dıplomatııasyna qosqan úlesin atap ótti
ASTANA. QazAqpara - Qazaqstan syrtqy ister mınıstri Qaırat Ábdirahmanov qazaqstandyq jáne sheteldik jýrnalısterdi Baılanys jáne aqparat qyzmetkerleri kúnimen quttyqtady jáne birqatar BAQ qyzmetkerlerine «Qazaqstan Respýblıkasynyń dıplomatııalyq qyzmetine 25 jyl» tósbelgisin tabys etti», - dep habarlady «QazAqparat» HAA tilshisi.
Mınıstrdiń qolynan tós belgini «QazAqparat» HAA bas dırektorynyń memlekettik aqparattyq saıasat máseleleri jónindegi keńesshisi Qalamqas Ábýova da aldy. Budan basqa, jýrnalıster beıresmı jaǵdaıda syrtqy saıası vedomstvonyń basshysyna suraqtar qoıyp, jaýap aldy.
Eske salsaq, 2 shildede Qazaqstanda eldiń Dıplomatııalyq qyzmet kúni atalyp ótedi.
«Qazaqstan Respýblıkasyndaǵy kásibı jáne ózge de merekeler týraly» Qazaqstan Respýblıkasy Prezıdentiniń 1998 jylǵy 20 qańtardaǵy №3827 Jarlyǵyna tolyqtyrýlar engizý týraly» QR Prezıdentiniń 2009 jylǵy 1 shildedegi № 837 Jarlyǵymen kásibı jáne ózge de merekeler tizbesinde 2- shilde - Dıplomatııalyq qyzmet kúni dep tolyqtyryldy.
