QR SІM qamqorlyǵymen Syrtqy saıasat keńesi jáne «KazAID» mamandandyrylǵan agenttigi qurylady
ASTANA. 13 jeltoqsan. QazAqparat - Búgin elordada QR Syrtqy ister mınıstri Erjan Qazyhanov elimizdiń dıplomatııalyq ókildikteri basshylarynyń qatysýymen keńes ótkizdi.
Syrtqy saıasat vedomstvo basshysynyń atap ótýinshe, ınvestıtsııa tartý boıynsha jumystar ekonomıkany jańǵyrtý memlekettik baǵdarlamasynyń bir bóligi retinde Syrtqy ister mınıstrligi qyzmetiniń mańyzdy baǵyty bolyp qala beredi.
«Qazirgi ýaqytta ǵylymı jáne akademııalyq toptar ókilderin, jetekshi saıasattanýshylar men sarapshylardy tartý arqyly SІM qamqorlyǵymen Syrtqy saıasat keńesin qurý máselesi talqylanýda. Keńes saraptamalyq jumystardyń sapasyn arttyrý jáne jańa syrtqy saıası bastamalardy talqylaý úshin balama «eksperttik alańǵa» aınalýy qajet. Damýǵa resmı kórsetý jónindegi «KazAID» mamandandyrylǵan agenttigin qurý máselesiniń ózektiligi de kúmán týdyrmaıdy. Bul másele qajetti kúsh pen qarajat tartý arqyly el Úkimetimen birlesip jasalatyn bolady. Osy máselelerdiń barlyǵy boıynsha bizdiń sheteldik mekemeler tarapynan usynystar kútemiz», - dedi mınıstr.
