QR SIM: Izraılde qazirgi ýaqytta 50 qazaqstandyq qaldy
ASTANA. QazAqparat - 50 qazaqstandyq ázirge Izraılden ushyp shyǵa almaı otyr. Bul týraly QazAqparat tilshisine QR Syrtqy ister mınıstrliginiń baspasóz hatshysy Nurlan Aıtmahanov málim etti.
"Qazirgi ýaqytta 23 qazaqstandyq Izraılden Túrkııaǵa qaıtadan ushyp shyqty. Bizdiń konsýl áýejaıda isti baqylaýda ustaýda. Qalǵan QR azamattaryn elden alyp shyǵý jumystary uıymdastyrylǵan. Qazirgi ýaqytta Izraılden kete almaǵan otandystarymyzdyń sany anyqtalýda. Qolda bar aqparat boıynsha, ázirge 50-ge jýyq týrıst osy elden shyǵa almaǵan. Biz Qazaqstan azamattarynyń qaýipsizdigin saqtaý jáne olardy otandaryna qaıtarý úshin qolymyzdan kelgenniń barlyǵyn jasaýdamyz", - dedi ol.
Bunyń aldynda habarlaǵanymyzdaı, Izraılge demalýǵa ketken qazaqstandyq týrıst Dıana Nazar men ózge de QR azamattarynyń ómirlerine esh qaýip tónip turǵan. Qazaqstannyń Syrtqy ister mınıstrligi azamattarymyzdy qarýly qaqtyǵys aımaqtarynan shyǵarý jumystaryn belsendi atqaryp keledi.
