QR SІM Ispanııada qazaqstandyqtyń kómek ala almaýy týraly synǵa jaýap berdi
ASTANA. QazAqparat - QR Syrtqy ister mınıstrligi Ispanııadaǵy QR dıplomatııalyq ókildiginiń qazaqstandyq áıelge kómek kórsetýden bas tartýy týraly aqparatty teriske shyǵardy, dep habarlaıdy QazAqparat tilshisi.
«Feısbýkte Gózal esimdi áıeldiń Qazaqstannyń Ispanııadaǵy dıplomatııalyq ókildigine kómek surap júgingeni jáne konsýldyń demalysta bolýy sebepti kómek kórsetilmegeni týraly málimdeme jasaldy. Biz bul aqparatty muqııat tekserdik», - dedi QR SІM resmı ókili Aıbek Smadııarov Astanada ótken baspasóz máslıhatynda.
Konsýldyq jáne komendanttyq qyzmet keltirgen derekterge sáıkes, atalǵan áıeldiń ótinishi Madrırdtegi elshilik pen Barselonadaǵy konsýldyqta tirkelmegen.
«Jarııalanym jalpylama túrde jazylǵan ýaqyty, aty-jóni sekildi naqty faktiler kórsetilmegen. Bizdiń dıplomattardyń mindetterine sáıkes, QR azamattarynyń shet eldegi quqyqtaryn qorǵaý birinshi kezekke qoıylǵan. Olar uzaq merzimdi sheteldik issaparda júr, sondyqtan táýlik boıy baılanysta bolý mindettelgen. Bizdiń dıplomatııalyq ókildiktermen baılanysts málimetteri mınıstrlik saıtynda kórsetilgen», - dep túsindirdi ol.
Ereje boıynsha, QR azamattary tap bolǵan másele týraly aqparat kelisimen, komendant konsýldyq qyzmetkerge habar beredi jáne tez arada kómek kórsetý úshin konsýldardyń uıaly telefon nómirin jiberedi. Kúrdeli jaǵdaılarda konsýl oqıǵa ornyna baryp, quzyrly organdardan túsindirme talap etedi.
«Másele shıelenise tússe, bizdiń azamattar nemese olardyń týystary +7 (7172) 72-01-11 nómirindegi kezekshi dıplomatqa nemese kezekshi@mfa.kz elektrondy mekenjaıyna júgine alady. Mereke kúnderi jáne jumys kúnderi 18:30-dan tańǵy 9:00-ge deıin dıplomattar táýlik boıy kezekshilik etedi. Qujattardy joǵaltý jáne sómkeni urlatý jaǵdaıynda «Qazaqstan Respýblıkasyna qaıtý týraly kýálik» beriledi, týystarmen habarlasýǵa jaǵdaı jasalady jáne qonaq úı men jol júrý bıletterin alýda kómek kórsetiledi», - dedi A. Smadııarov.
Aıta keteıik, áleýmettik jelide Ispanııadaǵy elshilikten kómek ala almaǵan qazaqstandyq áıel týraly jazba taralǵan bolatyn.
