QR SІM «Gúlnár týr» qyzmetin toqtatýǵa kúsh salmaq
ASTANA. QazAqparat - QR Syrtqy ister mınıstrligi Túrkııadan júzdegen qazaqstandyqtyń otanyna orala almaýyna baılanysty «Gúlnár týr» týrıstik kompanııasyn lıtsenzııadan aıyrý týraly ótinim bermek. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Syrtqy ister mınıstriniń birinshi orynbasary Rápil Joshybaev málim etti.
«Mundaı jaıt jyldan jylǵa qaıtalana bermeýi tıis. Biz lızentsııadan qaǵýǵa deıingi sharany qabyldaýdy suraımyz. Al odan keıin lıtsenzııa bergender sheshim qabyldasyn», - dedi ol.
Onyń sózine qaraǵanda, ótken jyly dál osyndaı oqıǵa oryn alǵan kezde elimizdiń barlyq týrıstik operatorlaryna eskertý jasalǵan.
«Ózderińiz de biletindeı, ótken jyly kompanııalar, onyń ishinde túriktiki de bar, bizdiń týrısterdi Túrkııadan shyǵara almaǵan bolatyn. Bul problemany SІM óz áriptesteriniń kómegimen sheship, týrısterdi elge jetkizgen edi. Biraq sol kezde barlyq týrıstik operatorlar men lıtsenzııa beretin kompanııalarǵa eskertý jasalǵan-dy», - dedi R.Joshybaev.
