QR SІM Gonkongtaǵy qazaqstandyqtarǵa saq bolýdy eskertti
GONKONG. QazAqparat - Gonkongtaǵy (QHR) jaǵdaıdyń shıelenisýine jáne jappaı narazylyq aktsııalarynyń jalǵasýyna baılanysty Qazaqstannyń Gonkongtaǵy Bas konsýldyǵy bizdiń azamattarǵa qalada qalyptasqan tótenshe jaǵdaıdy eskerýdi usynady, dep habarlaıdy QazAqparat QR SІM baspasóz qyzmetine silteme jasap.
«Osy rette adamdar kóp jınalatyn jerlerden aýlaq bolý, jıyndarǵa, demonstratsııalarǵa qatyspaý, qaýipsizdik sharalaryn múltiksiz saqtaý, sondaı-aq jergilikti bılik organdary men BAQ-tyń jaǵdaıdyń damýy týraly habarlamalaryn baqylaý usynylady.
Gonkong áýejaıynda avıareısterdiń kesteden alyp tastalýy nemese kidirýi
baıqalady. Osyǵan baılanysty áýejaıǵa shyǵar aldynda reıstiń jaǵdaıyn aldyn ala
tekserý qajet», delingen eskertý habarlamada.
Tótenshe jaǵdaı týyndaǵan jaǵdaıda konsýlmen kelesi nomerler arqyly dereý
habarlasýǵa bolady: +852 5689 6282, +7 778 001 6442 (What’sApp).
