QR SІM: Fıdjıde, Kıprde, Fılıppınde júrgen Qazaqstan azamattary kóshpeli daýys berýdi uıymdastyrýdy ótindi
ASTANA. QazAqparat - Fıdjıde, Kıprde, Fılıppınde júrgen Qazaqstan azamattary kóshpeli daýys berýdi uıymdastyrýdy ótindi. Bul týraly búgin QR Ortalyq saılaý komıssııasynda ótken brıfıngte QR Syrtqy ister mınıstrligi Ákimshilik jáne baqylaý departamentiniń dırektory Qaırat Sarjanov málim etti.
«Saılaý qarsańynda mınıstrlikke keıbir Qazaqstan azamattary saılaý ýchaskeleri qurylmaǵan elderde, máselen, Fıdjıde, Kıprde, Fılıppınde kóshpeli daýys berýdi uıymdastyrýdy ótindi. Olarǵa elimizdiń zańnamasyna sáıkes kóshpeli daýys berý jáshigin qoldaný arqyly daýys berý elshilikter bolǵan eldiń sheginde ǵana múmkin ekendigi túsindirildi», - dedi Q.Sarjanov.
Onyń atap ótýinshe, Qazaqstan azamatynyń jaramdy tólqujaty bolǵan jaǵdaıda saılaý ýchaskesi bar taıaý ornalasqan kórshi elge baryp daýys berý usynylǵan.
«Syrtqy ister mınıstrliginiń veb-saıty men shet eldegi mekemelerdiń ınternet resýrstarynda Qazaqstannyń shet elderdegi mekemeleri janynan qurylǵan saılaý ýchaskeleriniń mekenjaılary men baılanys málimetterine qatysty aqparattar usynyldy», - dedi departament basshysy.
