QR SІM Egıpette júrgen qazaqstandyqtardyń qaýipsizdigin qamtamasyz etýge qajetti barlyq sharalardy qolǵa alýda

Atap aıtar bolsaq, Egıpettegi bizdiń azamattarymyzdy shyǵarý týraly sheshim qabyldandy, sondyqtan taıaý kúnderdiń ishinde TJM arnaıy ushaq reısiniń Kaırge jáne ol jaqtan Qazaqstanǵa qatynasyn ashý jumystary qolǵa alyndy, dep habarlaıdy QR SІM baspasóz qyzmeti.

Egıpettegi Qazaqstan Elshiligi osy eldi tastap ketemin deýshilerden Qazaqstanǵa ketý týraly aryzdar qabyldamaq. Ol úshin QR konsýly Erbol Elýbaevpen (8-10-20) 126-789-300 telefony arqyly habarlasý qajet.

Sonymen qatar atap óter jáıt, Kaırden basqa Egıpettiń ózge de halyqaralyq áýejaılary kúndelikti reısterdi qabyldap, shyǵaryp jatyr. Sondyqtan biz týrıster kóptep baratyn aýdandardaǵy (Hýrgada, Sharm al-Sheıh jáne basqalary) qazaqstandyqtarǵa elden óz kúshimen shyǵýǵa amal qoldanýlaryna usynys jasaımyz.

Al osy eldegi bizdiń azamattardyń sanyna keler bolsaq, Egıpettegi QR Elshiliginde Qazaqstannyń 185 azamaty tirkeýde tur. Olardyń 156-sy bizdiń dıplomattardyń kómegimen elge shuǵyl oralýǵa nıet bildirip otyr. Atap ótý kerek, qazaqstandyqtardyń bir bóligi óz erikterimen kelip, elshilikte tirkelmeı, jeke tártipte eldi tastap ketýde.

Joǵaryda atalǵandarǵa oraı, QR SІM qazaqstandyq azamattarǵa osy elge saparlardy shekteı turý týraly keńes beredi. Bul usynym 3 aqpanǵa deıin kúshin saqtaıdy. Ol shekteýdiń alynyp tastalýy nemese uzartylýy qosymsha qarastyrylatyn bolady.