QR SІM: Dýbaıda otqa oranǵan qonaqúıde qazaqstandyqtar joq

ASTANA. QazAqparat - Dýbaıda órtke ushyraǵan qonaqúıde qazaqstandyqtar joq. Bul týraly elimizdiń Syrtqy ister mınıstrligi habarlady.

Aıta keteıik, keshe jańa jyldy merekeleýge birneshe saǵat qalǵanda 5 juldyzdy qonaqúı órtengen bolatyn. Ol álemdegi eń bıik Býrdj Halıfa munarasynyń janynda ornalasqan. Reıter agenttigi 14 adam zardap shekti dep jazýda. Al jergilikti aqparat quraldarynyń habarlaýynsha, órt saldarynan 1 kisi qaza taýyp, taǵy 16-sy jaraqat aldy. Jalyn 63 qabatty meıramhananyń birneshe ondaǵan qabatyn sharpyǵan. Qazir tilsiz jaý tolyq aýyzdyqtaldy. Ázirge, apat sebebi belgisiz. Atalǵan aýdanda jyl saıyn qaladaǵy eń iri otshashý bolady. Qyzyqty kórinisti tamashalaýǵa munda myńdaǵan adam jınalatyn, dep habarlady www.24.kz.