QR SІM-degi eń sońǵy masqara jaıt - Qazaqstannyń Frankfýrttegi bas konsýldyǵy qyzmetkeriniń temeki kontrabandasymen ustalýy
ASTANA. 16 qazan. QazAqparat - QR Syrtqy ister mınıstrligindegi eń sońǵy masqara jaıt Qazaqstannyń Frankfýrttegi bas konsýldyǵy burynǵy qyzmetkeriniń temeki kontrabandasymen ustalýy boldy. Bul týraly búgin Parlament Senatynyń Úkimet saǵatynda QR Syrtqy ister mınıstri Erlan Ydyrysov málim etti.
«Syrtqy ister mınıstrliktegi tártipke qatysty aıtar bolsam, men sizdermen birqatar qaýipti dabyldardyń oryn alǵandyǵymen kelisemin. Eń sońǵy masqara dabyl - bul Franfýrtegi bizdiń Bas konsýldyq qyzmetkerlerimizben baılanysty oqıǵa», - dedi ol.
Onyń atap ótýinshe, Syrtqy ister mınıstrligi burynǵy qyzmetkerleriniń biri dıplomatııalyq poshta salasynda jumys isteı júrip, óz qyzmetin paıdakúnemdikke paıdalanǵan. Ol shaǵyn top quryp, uzaq ýaqyt boıy Germanııaǵa kontrabandalyq sıgaretter jetkizip turǵan.
«Germanııalyq bılikpen birlesip, shara qabyldaýdamyz. Sáıkesinshe jumystar júrgizilýde. Biz quqyq qorǵaý organdary deńgeıinde germanııalyq áriptestermen ózara birlesip qımyldaýdamyz. Іs júzinde bizge mán-jaı belgili. Árıne, áńgime eki dıplomatty qylmystyq jaýapkershilikke tartý jaıynda bolyp otyr. Óıtkeni bul - jazaǵa tartylýy tıis qylmys. Qylmystyq isti qozǵaýǵa Qazaqstan Bas prokýratýrasy bastamashy boldy», - dedi E.Ydyrsov.
Esterińizge sala keteıik, Qazaqstannyń Frankfýrttegi bas konsýly Ahat Alpysbaev aǵymdaǵy jyldyń jazynda temeki kontrabandasyna qatysy bar degen kúdikpen ustalǵan edi.
