QR SІM-de Qazaqstan-Belarýs yntymaqtastyǵynyń keleshegi talqylandy

NUR-SULTAN. QazAqparat - Búgin QR Syrtqy ister mınıstri Beıbit Atamqulov Belarýs Respýblıkasynyń Qazaqstandaǵy elshisi Anatolıı Nıchkasovty qabyldady, dep habarlaıdy QazAqparat.

QR SІM-niń baspasóz qyzmetinen málim etkendeı, mazmundy áńgime barysynda saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyqtyń ózekti máseleleri talqylandy.

«Aldaǵy ekijaqty is-sharalar kestesine, birinshi kezekte, Belarýs Respýblıkasynyń Prezıdenti Aleksandr Lýkashenkonyń Qazaqstanǵa saparyna erekshe nazar aýdaryldy. Ekonomıkalyq dıplomatııanyń rólin eskere otyryp, taraptar eki eldiń syrtqy saıası vedomstvolarynyń jumysynda syrtqy ister mınıstrlikteri jáne sheteldik mekemelerdiń eksportty jyljytý jónindegi qyzmeti bóliginde tájirıbemen almasty», - dedi mınıstrlikten.

Qazaqstan TMD sheńberinde Belarýstiń negizgi saýda seriktesteriniń úshtigine kiredi. 2018 jyldyń qorytyndysy boıynsha eki el arasyndaǵy taýar aınalymy 680,7 mln AQSh dollaryn qurap, 2017 jylmen salystyrǵanda 7,6% artty. Eksport kólemi 87,5 mln AQSh dollaryn qurady.