QR SІM-de «Adamı ólshem boıynsha dıalog alańy» konsýltatıvtik-keńesshi organynyń 6-sektorlyq keńesi ótti
QR SІM baspasóz qyzmetiniń habarlaýynsha, kezdesýde múddeli mınıstrlikter men vedomstvolardyń ókilderi azamattyq qoǵam ókilderimen Qazaqstannyń sóz bostandyǵy jáne óz pikirin bildirý, sondaı-aq ar-ojdan jáne dinı senim bostandyǵy salasyndaǵy halyqaralyq minettemelerin oryndaýy jóninde keleli pikir almasty. Onda «Ádil sóz» sóz bostandyǵyn qorǵaý qorynyń prezıdenti Tamara Kaleeva jáne «Qazaqstandyq adam quqyqtary jáne zańdylyqty saqtaý jónindegi halyqaralyq bıýro» keńesiniń tóraǵasy Evgenıı Jovtıs negizgi baıandamashy boldy.
Kezdesýdiń qorytyndysymen keńeske qatysýshylar Qazaqstanda sóz bostandyǵy men pikir bildirý, sondaı-aq ar-ojdan jáne dinı senim bostandyǵy júıesin odan ári jetildirý jóninde usynbalar ázirledi. Qatysýshylar aıaqtalyp kele jatqan bıylǵy jyly jeltoqsan aıynda QR syrtqy ister mınıstri Erlan Ydyrysovtyń tóraǵalyǵymen Konsýltatıvtik-keńesshi organnyń kezdesýin ótkizýge ýaǵdalasty.
