QR SІM Býrkına-Fasodaǵy lańkestik áreketke qatysty málimdeme jasady
ASTANA. QazAqparat - Býrkına-Faso Respýblıkasy Ýagadýgý qalasynda oryn alǵan lańkestik áreketine qatysty QR Syrtqy ister mınıstrligi málimdeme jasady. Atalǵan málimdeme vedomstvonyń saıtynda jarııalandy.
«Qazaqstan Respýblıkasy 2016 jylǵy 16 qańtarda Býrkına-Faso astanasy Ýagadýgý qalasynda oryn alǵan jáne nátıjesinde ondaǵan jazyqsyz azamattyń ómirin qıǵan lańkestik áreketti qatań jáne sózsiz túrde synaıdy.
Býrkına Faso bıligin tolyǵymen qoldaı otyryp, Qazaqstan memleket pen óńirdiń lańkestikke qarsy kúres áreketterine nıettestigin bildiredi», delingen habarlamada.
Ary qaraı málimdemede lańkestik saldarynan qaza bolǵandardyń týystary men jaqyndaryna kóńil aıtylǵan.
«Álem boıynsha lańkesterdiń qylmystyq áreketteriniń belsendi bola túsýi aıasynda, atalǵan qubylyspen tabandy kúreste halyqaralyq qaýymdastyq kúshteriniń birigýine jáne BUU qaramaǵynda jahandyq lańkesttikke qarsy jeli qurýǵa shaqyramyz», - delingen málimdemede.
