QR SІM Brıýsselde júrgen qazaqstandyqtarǵa qaýipsizdik sharalaryn saqtaýǵa keńes beredi
ASTANA. QazAqparat - QR Syrtqy ister mınıstrligi Brıýsselde júrgen qazaqstandyqtarǵa úndeý joldady.
«20 qarashanyń keshinen búgingi kúnge deıin Brıýssel astanalyq aımaǵynda jáne onyń mańyndaǵy Vılvord kommýnasynda lańkestik qaýpiniń joǵarǵy - 4-shi deńgeıi saqtalyp otyr. Osyǵan baılanysty, Brıýssel turǵyndaryna adamdar kóp shoǵyrlanǵan jerlerge shyqpaý, qaýipsizdik qyzmetteriniń barlyq nusqaýyn ustaný, qaýeset taratpaı, bılik pen polıtsııa qyzmetiniń resmı aqparatyna súıenýge keńes berildi», - delingen habarlamada.
Belgııadaǵy Qazaqstan Elshiligi shtattyq rejimde jumys istep, Brıýsselde oqyp jatqan jáne ýaqytsha sol jerde júrgen qazaqstandyqtarmen baılanys jasap otyr.
«Qaýipsizdik maqsatynda Brıýsselde jáne onyń mańyndaǵy jerlerdegi Qazaqstannyń barlyq azamattaryna belgııalyq bıliktiń joǵaryda atalǵan nusqaýlaryn oryndaýǵa keńes beremiz», - dep atap ótti vedomstvoda.
