QR SІM Bostondaǵy sot kezinde qazaqstandyq stýdentterdiń quqyqtarynyń saqtalýyn jiti baqylaıtyn bolady
ASTANA. 16 qańtar. QazAqparat - QR Syrtqy ister mınıstrliginiń Astanadaǵy jáne AQSh-taǵy ókilderi Azamat Tájaıaqov pen Dıas Qadyrbaevqa qatysty sot protsesiniń barysyn jáne atalǵan qazaqstandyq stýdentterdiń quqyqtarynyń saqtalýyn jiti baqylap otyratyn bolady. Bul týraly atalǵan vedomstvonyń baspasóz qyzmetinen habarlandy.
Ústimizdegi jyldyń 15 qańtar kúni Bostonda Djohar Tsarnaevtyń isi boıynsha aıǵaqtardy joıdy dep aıyptalǵan qazaqstandyq stýdentter Azamat Tájaıaqov pen Dıas Qadyrbaevtyń qatysýymen kezekti sot aldyndaǵy tyńdaýy bolyp ótti.
Esterińizge sala keteıik, Boston marafonynyń máresinde bolǵan jarylysqa qatysty isti tergeýge kedergi keltirdi dep aıyptalǵan Dıas Qadyrbaev pen Azamat Tájaıaqovqa qatysty sot isi protsesi 2014 jyldyń 23 maýsymyna belgilendi. Boston federaldyq sýdıasy Merıenn Boýler kezekti sot otyrystardyń birinde osyndaı sheshim shyǵardy.
