QR SІM: Belgisiz bireýler basyp alǵan A-320 ushaǵynda Qazaqstan azamattarynyń bar-joǵy anyqtalýda
ASTANA. QazAqparat - Qazaqstan Respýblıkasynyń Syrtqy ister mınıstrligi belgisiz bireýler basyp alǵan Aleksandrııa-Kaır baǵytyndaǵy A-320 jolaýshylar ushaǵynda Qazaqstan azamattarynyń bar-joǵyn anyqtaýda. Bul týraly Syrtqy ister mınıstrligi baspasóz qyzmetiniń jetekshisi Ánýar Jaınaqov málim etti.
«Qazir bul oqıǵaǵa qatysty kez kelgen aqparat naqtylanýda. Qazaqstandyqtar týraly aqparat joq, qandaı da bir jańalyq bolsa, habarlaımyz»,-dedi Á.Jaınaqov.
Esterińizge sala keteıik, belgisiz bireýler basyp alǵan A-320 jolaýshylar ushaǵy Kıprdegi Larnakı áýejaıyna qondy. Bul týraly jergilikti BAQ-qa siltememen Reıter agenttigi habarlady.
Ushaq Aleksandrııa-Kaır baǵytymen ushqan edi. Áýe kemesiniń bortynda 81 adam bolǵan.
BAQ ushaqty aıdap áketkender mysyrlyq áıelder men balalarǵa ushaqtan ketýge ruqsat berýge nıetti ekenin habarlap otyr, dep jazady RIA Novostı.
