QR SІM basshysynyń orynbasary A. Volkov Berlınde ótken halyqaralyq «Orta Azııa úshin sý dıplomatııasy» konferentsııasyna qatysty
BERLIN-BRıÝSSELЬ. 10 naýryz. QazAqparat - Qazaqstandyq delegatsııanyń halyqaralyq «Orta Azııa úshin sý dıplomatııasy» konferentsııasyna qatysý aıasynda QR SІM basshysynyń orynbasary Alekseı Volkov Germanııaǵa jumys saparymen bardy.
Atalmysh konferentsııa GFR Úkimetiniń bastaýymen sý resýrstary boıynsha 1-shi konferentsııa aıasynda 2008 jyly sáýir aıynda Berlınde ótken «Orta Azııaǵa arnalǵan sý bastamasynyń» («Berlın úrdisi») ajyramas bóligi bolyp tabylady.
GFR-nyń bastamasy Orta Azııa boıynsha EO strategııasy aıasynda júzege asyp otyr. Ol sý resýrstaryn basqarýǵa jáne transshekaralyq yntymaqtastyqty damytýǵa baǵyttalǵan.
Konferentsııaǵa múddelik tanytyp otyrǵan GFR-nyń, Orta Azııa jáne Aýǵanstan memleketteriniń, EO, EEK, BUU, EQYU men basqa da halyqaralyq, ulttyq qoǵamdyq jáne úkimettik emes uıymdardyń 50-den astam mınıstrlikteri men vedomstvolary qatysty.
Forýmnyń jumysyn Sý bastamasynyń 2-shi kezeńi bastalǵany jaıly málimdegen GFR SІM-niń federaldy mınıstri Gıdo Vestervelle ashty.
Konferentsııasynyń ashylýynada sóz sóılegen A. Volkov qatysýshylardy tartylyp qalǵan Araldy qutqarý boıynsha Qazaqstanda qabyldanyp jatqan sharalarmen tanystyrdy. Sonymen qatar ol óńirimizde sý máselesin shesheýge belsene aralasyp júrgen Germanııa tarapyna alǵysyn bildirdi. Qazaqstandyq dıplomattyń sózine qaraǵanda, konferentsııa asa mańyzdy máselelerdi teorııalyq jáne praktıkalyq jaǵynan túrlendirip, qyzmettiń negizgi baǵyttaryn anyqtaýǵa múmkindik berdi. Forýmnyń qorytyndysy boıynsha qatysýshylar birlese otyryp ótinishti qabyldady.
Berlınge jasaǵan jumys sapary aıasynda A. Volkov GFR SІM-niń stats-mınıstri Kornelııa Pıpermen jáne OA boıynsha EO-tyń arnaıy ókili Per Morelmen ekijaqty kezdesý ótkizdi. Olar kezdesý barasynda QR, GFR jáne EO arasynda saýda-ekonomıkalyq jáne saıası qarym-qatynastardyń mańyzdy tetikterin talqylady.
