QR SIM basshysy Jenevada BUU-nyń Sırııa boıynsha arnaıy elshisimen kezdesedi

ASTANA. QazAqparat - Maýsym aıynda QR Syrtqy ister mınıstri Erlan Ydyrysov Jenevada BUU-nyń Sırııa boıynsha arnaıy elshisi Stefan de Mıstýramen kezdesedi.

Bul týraly búgin Astanada ótken baspasóz máslıhatynda QR Syrtqy ister mınıstri Erlan Ydyrysov málim etti.

"Men Mıstýra myrzamen resmı kezdesý ótkizýdi josparlap otyrmyn. Sizder bilesizder, Mıstýra myrza Jenevada bir aıdan beri arnaıy keńester ótkizýde. Ol onda sırııalyq daǵdarysqa qatysy bar nemese daǵdarysty sheshýge yqpal ete alatyn kóptegen adamdarmen kezdesýde. Maǵan habarlaǵandaı, ol bul júzdesýlerdi maýsym aıynyń orta tusyna deıin jalǵastyrmaq. Men oǵan deıin onymen resmı kezdesý ótkizýge tyrysamyn", - dedi ol.