QR SІM basshysy Ózbekstanǵa is saparmen barady
ASTANA. QazAqparat - Qazaqstannyń Syrtqy ister mınıstri 2016 jyldyń 22 jeltoqsan kúni Ózbekstanǵa jumys saparymen barady, dep habarlaıdy «QazAqparat» HAA tilshisi Ózbekstannyń SІM-ine silteme jasap.
«2016 jyldyń 22 jeltoqsan kúni Qazaqstan Respýblıkasynyń Syrtqy ister mınıstri Erlan Ydyrysov jumys saparymen Tashkentke keledi. Sapar barysynda Ózbestan Prezıdenti Shavkat Mırzıeev pen QR SІM basshysy kezdesedi dep josparlanǵan. Sondaı-aq, Ózbekstannyń Syrtqy ister mınıstrliginde ekijaqty kelissózder júrgiziledi», - dep aıtylady habarlamada.
Eske sala keteıik, 14 jeltoqsan kúni Shavkat Mırzıeev Ózbekstan Respýblıkasynyń Prezıdenti laýazymyna kiristi.
Qazaqstannyń Ózbekstandaǵy Elshisi Erik Ótembaev Ózbekstan Prezıdentiniń ınaýgýratsııasyna shaqyryldy. Ózbekstan prezıdentiniń saılaýy 4 jeltoqsanda ótti. Shavkat Mırzıeev 88,61% daýys jınap, Prezıdent saılaýynda jeńiske jetti. Saılaý barysyn 44 eldiń 500 halyqaralyq baqylaýshylary, sonyń ishinde halyqaralyq uıymdardyń - TMD, EQYU, ShYU, Islam yntymaqtastyq uıymy men Saılaý organdarynyń búkilálemdik uıymynyń ókilderi baqylady.
