QR SIM basshysy Qazaqstannyń sırııalyq ahýalǵa qatysty ustanymyn jarııa etti

«Bizdiń kózqarasymyz boıynsha, búginde sırııalyq daǵdarys eń ótkir halyqaralyq daǵdarystardyń biri. Onyń teris yqpaly Taıaý Shyǵys aımaǵyna ǵana emes, jalpy jahandyq jaǵdaıǵa qatty áser etti», - dedi mınıstr Astanadaǵy baspasóz máslıhatynda.

QR SIM basshysy atap ótkenindeı, Sırııada aýqymdy gýmanıtarlyq apat oryn alýda.

«Sırııadaǵy áskerı qımyldardyń saldarynan 250 myńǵa tarta adam kóz jumdy, 4 mln. jýyq adam elden bas saýǵalady. Olardyń taǵdyry óte qıyn. Bul jaǵdaı olardyń údere kóshken elderde - Túrkııada, Iordanııada, Lıvanda áleýmettik-ekonomıkalyq sıpattaǵy túıtkilderdiń ýshyǵýyna ákep soqtyrýda. Talaı adamdarǵa qaıǵy-qasyret shektirgen mundaı ahýalǵa tózýge bolmaıdy», - dedi E. Ydyrysov.