QR SІM basshysy qazaqstandyq dıplomatııany damytýdaǵy áıelderdiń úlesin atap ótti
ASTANA. QazAqparat - QR SІM basshysy Erlan Ydyrysov vedomstvo ujymynyń áıelderin aldaǵy Halyqaralyq áıelder kúni - 8 Naýryz kúnimen quttyqtady.
«8 naýryz elimizdegi eń jarqyn da shýaqty merekelerdiń biri. Bul kúni biz asa jylylyq jáne súıispenshilik sezimderimen bizdiń áıelderge jáne otbasynyń tiregi jáne bolashaq urpaqtardyń tárbıeshisi - analarymyzǵa qurmet kórsetemiz. Sizder bizdi uly isterge jigerlendire túsesizder», - degen E.Ydyrysov olarǵa degen izgi tilekterin aıtty.
«Dıplomatııalyq qyzmette te áıelder óz áriptesteri erlermen birge laıyqty qyzmet etýde. Elimiz Táýelsizdiginiń 25 jyly ishinde dıplomat-áıelder kóptegen tabystarǵa jetti. Atap aıtqanda, bizdiń qurmetti ardagerimiz Aqmaral Arystanbekovany atap ótýge bolady, ol táýelsizdiktiń alǵashqy kúnderinen Qazaqstannyń BUU-daǵy ókili boldy, sondaı-aq jigerli Birǵanym Áıtimova Qazaqstannyń Italııadaǵy, Izraıldegi, Kýbadaǵy elshisi, BUU janyndaǵy Qazaqstannyń turaqty ókili qyzmetterinde Qazaqstannyń múddelerin alǵa jyljytýǵa zor úles qosty. Búgingi kúni de ol QR Parlamenti Senatynyń halyqaralyq qatynastar komıtetinde joǵary qyzmet atqaryp júr. Maınýra Myrzamadıeva Qazaqstannyń Nıderlandydaǵy elshisi jáne Hımııalyq qarýlarǵa tyıym salý jónindegi uıym janyndaǵy turaqty ókil qyzmetin qosa atqaryp júr. EQYU-nyń adam saýdasymen kúres jónindegi arnaıy ókili Mádına Jarbosynovany atap ótken jón. EQYU-da bizdiń otandasymyz tuńǵysh ret osyndaı joǵary laýazym atqaryp otyr», - dedi E.Ydyrysov.
Búgingi kúni mınıstrliktiń ortalyq apparatynda 130 áıel jumys jasap júr, olar barlyq qyzmetkerlerdiń 34 paıyzyn quraıdy. Názik jandy áriptesterimiz basshylyq qyzmetterde de ózderiniń qajyrly qabilet-qarymyn kórsetýde.
