QR SІM basshysy Q. Saýdabaev ázirbaıjandyq jáne armenııalyq áriptesterimen telefon arqyly sóılesti
áýirdiń 27-si. QazAqparat - Keshe EQYU-nyń qyzmet basyndaǵy tóraǵasy Qazaqstan Respýblıkasynyń Memlekettik hatshysy - Syrtqy ister mınıstri Qanat Saýdabaev Ázirbaıjan Syrtqy ister mınıstri Elmar Mamedıarovpen jáne Armenııa Syrtqy ister mınıstri Edvard Nalbandıanmen telefon arqyly sóılesti,
dep habarlaıdy QazAqparat.
QR Syrtqy ister mınıstrligi baspasóz qyzmetiniń málimetinshe, EQYU-nyń qazirgi tóraǵasy áńgimelesýshi taraptarmen Taýly Qarabaq qaqtyǵysynyń jaǵdaıyn jáne ony retteý máselesiniń bolashaǵyn talqylaǵan. Q. Saýdabaev jaǵdaıdy jaqsartý joldaryn izdestirýde kúsh-jigerin údetýge jáne bul protseske EQYU tóraǵa memlekettiń basshysy retinde QR Prezıdenti N. Nazarbaevtyń jeke óziniń qatysý múmkindigine adal qyzyǵýshylyǵyn tanytty.
Sonymen qatar, taraptar 16-17 shilde aralyǵynda Almaty qalasynda ótetin EQYU Syrtqy ister mınıstrleriniń beıresmı keńesine daıyndyq týraly jáne Prezıdent N.Nazarbaevtyń bastamasymen 2010 jylǵa belgilengen EQYU Sammıtiniń negizgi mazmunyn anyqtaý jóninde pikir almasty.
