QR SІM basshysy E.Ydyrysov QR Prezıdentiniń janyndaǵy Memlekettik basqarý akademııasynyń qurmetti professory atandy
ASTANA. 6 qarasha. QazAqparat - Búgin Qazaqstan Respýblıkasy Prezıdentiniń janyndaǵy Memlekettik basqarý akademııasynda Qazaqstan Respýblıkasy Syrtqy ister mınıstri Ydyrysov Erlan Ábilfaıyzuly Akademııa magıstranttary, doktoranttary, professor-oqytýshylar quramy aldynda «Qazaqstan Respýblıkasy syrtqy saıasatynyń basymdyqtary» taqyrybyna dáris oqydy.
Óziniń quttyqtaý sózinde Akademııa rektory B. Ábdirásilov mınıstrge Akademııa tyńdaýshylaryna dáris oqyǵany rızashylyǵyn bildirdi, Akademııanyń negizgi qyzmeti jáne Syrtqy ister mınıstrligimen dıplomatııalyq kadrlardy daıarlaý máseleleri boıynsha belsendi yntymaqtastyǵy týraly jan-jaqty aıtyp berdi.
Syrtqy saıası vedomstvo basshysy óz baıandamasy barysynda Qazaqstan Respýblıkasynyń syrtqy saıasat mindetteri men basymdyqtary, sondaı-aq qazirgi ýaqytta mınıstrlik júrgizetin negizgi is-sharalar jóninde tolyq aqparat berdi.
E.Ydyrysov Akademııanyń professor-oqytýshylar quramy men magıstranttarynyń suraqtaryna jaýap berdi.
Akademııanyń Ǵylymı keńesiniń sheshimi boıynsha dıplomatııa ınstıtýtynyń damýyna jáne kásibı kadrlardy daıarlaýǵa qosqan úlesi úshin Qazaqstan Respýblıkasy Syrtqy ister mınıstri Erlan Ábilfaıyzuly Ydyrysovqa Qazaqstan Respýblıkasy Prezıdentiniń janyndaǵy Memlekettik basqarý akademııasynyń qurmetti professory ataǵyn berý týraly dıplom saltanatty túrde tabys etildi.
