QR SІM Arab koalıtsııasynyń Iemende oq atýdy toqtatý sheshimine málimdeme jasady
NUR-SULTAN. QazAqparat – Qazaqstan Respýblıkasynyń Syrtqy ister mınıstrligi Arab koalıtsııasynyń Iemende oq atýdy toqtatý sheshimine qatysty málimdeme jasady, dep habarlaıdy QazAqparat.
«Qazaqstan Respýblıkasynyń Syrtqy ister mınıstrligi Arab koalıtsııasynyń birjaqty túrde 2020 jyldyń 9 sáýirinen bastap eki apta merzimge Iemen Respýblıkasynda oq atýdy toqtatý bastamasyna qoshemet bildiredi. Biz bul sheshimniń ıemen halqyna COVID-19 koronavırýsynyń taralý saldaryna qarsy turýǵa kómektesetinine, sondaı-aq oq atýdy túbegeıli toqtatý úshin qajetti jaǵdaı jasaýda jáne Iemendegi janjaldy jan-jaqty qamtylǵan saıası jolmen retteý boıynsha kelissózderdi jandandyrý jolyndaǵy mańyzdy qadam bolatynyna úmit artamyz», - delingen QR SІM málimdemesinde.
