QR SІM AQSh-ta qaza tapqan qazaqstandyq stýdenttiń máıitin Otanyna jetkizýge kómektesedi
ASTANA. QazAqparat - QR Syrtqy ister mınıstrligi 2015 jyly 4 aqpanda AQSh-tyń Vıskonsın shtatynda bolǵan jol-kólik apatynda qaza tapqan 1998 jyldyń týmasy QR azamaty Tım Bekshentaevtyń januıasy men týǵandaryna kóńil aıtady.
Bul týraly QR SІM baspasóz qyzmetinen habarlady.
Aldyn ala málimet boıynsha, T.Bekshentaev otyrǵan kólik burylatyn jerde birneshe ret aýdarylyp, aǵashqa soǵylǵan.
QR SІM-ne qaza tapqan azamattyń týystary onyń máıitin Otanǵa qaıtarý ótinishimen barǵan. Syrtqy ister mınıstrligi bul iste qolynan kelgenin jasaıtynyn aıtty. Nıý-Iorktegi QR Bas konsýldyǵynyń qyzmetkerleri jol-kólik apatynyń mán-jaıyn anyqtap, japa shekken azamattyń máıitin Qazaqstanǵa tasymaldaý úshin qajetti qujattardy ázirleýde.
