QR SІM AQSh pen Reseıdiń zymyrandardy joıý shartyn toqtatýyna qatysty málimdeme jasady
«Qazaqstan Respýblıkasy OKQRSh múshesi retinde Sharttyń saqtalýy men barlyq taraptarmen múltiksiz oryndalýyn qoldaıdy, sondaı-aq taraptardyń birlesken kúsh-jigerlerimen ıadrolyq qarýdy taratýǵa qabileti bar raketalardyń bútin bir klasyn joıýǵa jáne ıAdrolyq qarýdy taratpaý týraly sharttyń (ıAQTSh) VI babyna sáıkes ıadrolyq qarýsyzdanýda eleýli progreske qol jetkizýge múmkindik bergen Sharttyń biregeı tarıhı kelisim retinde buljymas qundylyǵyn rastaıdy» delingen habarlamada.
Sondaı-aq, vedomstvo málimetinshe Halyqaralyq qaýipsizdikti saqtaýdyń mańyzdy faktorlarynyń biri retinde OKQRSh-ty denonsatsııalaý álemniń ártúrli óńirlerinde jańa «jantalasa qarýlanýǵa» ákele alady jáne jahandyq beıbitshilik pen qaýipsizdikke eleýli qaýip tóndiretini aıtylǵan.
«Qazaqstan Respýblıkasynyń Prezıdenti Nursultan Nazarbaevtyń 2045 jylǵa oraı ıadrolyq qarýdan azat álemge qol jetkizýge arnalǵan, jahandyq antııadrolyq bastamalarynyń ózektiligin eskere otyryp, Qazaqstan Respýblıkasy ózara senimdilik sharttary rýhynda barlyq taraptarmen Sharttyń múltiksiz oryndalýyn qoldaıdy. OKQRSh-ty saqtaý maqsatynda Qazaqstan Respýblıkasy Sharttyń sheńberindegi Arnaıy baqylaý komıssııanyń qoldanystaǵy formatyn qosa alǵanda, barlyq ekijaqty jáne kópjaqty tetikter sheńberinde syndarly kelissózder arqyly máselelerdi sheshý úshin AQSh pen RF-ty barlyq qajetti kúsh-jigerdi salýǵa shaqyrady» dep jazylǵan málimdemede.
