QR SІM AQSh dıpmıssııasy basshysy men elshilik qyzmetkerleriniń ólimine ákep soqqan zorlyq-zombylyq aktisin qatań túrde aıyptaıdy
ASTANA. 13 qyrkúıek. QazAqparat - Qazaqstannyń syrtqy ister mınıstrligi AQSh dıpmıssııasy basshysy men elshilik qyzmetkerleriniń ólimine ákelip soqtyrǵan Lıvııanyń Bengazı qalasynda jasalǵan zorlyq-zombylyq aktisin úzildi-kesildi aıyptaıdy.
Bul týraly QR SІM-niń búgin taratylǵan baspasóz habarlamasynda aıtyldy.
Qazaqstan barlyq memleketterdi dıplomatııalyq elshilikter ǵımarattary men dıplomattarǵa qol suqpaýshylyqty qamtamasyz etý boıynsha ózderiniń halyqaralyq mindettemelerin oryndaýǵa shaqyrady.
«Biz sondaı-aq lańkestiktiń barlyq túrleri men onyń oryn alýyn aıyptaımyz jáne bul zulymmen kúresýde anaǵurlym tıimdi sharalardy qabyldaýǵa shaqyramyz», - delingen habarlamada.
