QR SІM «Aeroflot» pen «Eır Astanaǵa» qatysty jaǵdaıǵa túsinik berdi
ASTANA. QazAqparat - QR Syrtqy ister mınıstrligi baspasóz qyzmetiniń jetekshisi Ánýar Jaınaqov «Aeroflot» pen «Eır Astana» avıakompanııalarynyń reısterine qatysty oryn alǵan jaǵdaıǵa túsinik berdi.
«Aeroflot» kompanııasynyń reısteriniń ushyrylmaýyna qatysty aqparat alynǵan sátten, sonymen birge, buqaralyq aqparat quraldarynda «Eır Astana» kompanııasyna Reseı Federatsııasyna ushý reısterin jasaýǵa tyıym salynǵany týraly aqparattarǵa qatysty, Qazaqstannyń Reseıdegi Elshiligi oryn alǵan problemalyq jaǵdaıdyń barysyn jiti qadaǵalap otyr. Bul, ásirese eń birinshi kezekte shegerilgen reısterdegi qazaqstandyq jolaýshylarǵa qatysty bolyp tabylady», - dedi Ánýar Jaınaqov.
Onyń aıtýynsha,oryn alǵan oqıǵaǵa baılanysty Elshiliktiń konsýldyq qyzmetkerleri Máskeýdegi Sheremetevo áýejaıyna baryp, onda qazaqstandyq baǵytqa qatynaıtyn «Aeroflot» kompanııasy reısteriniń barlyq termınaldaryn aralap shyǵyp, Qazaqstan azamattarymen kezdesip, áńgimelesken. Onda jaǵdaı qalypty, al oryn alǵan oqıǵany oń sheshý baǵytynda jumystar atqarylyp jatqanyna kóz jetkizilgen.
«Sonymen qatar, QR Investıtsııalar jáne damý mınıstrligi Azamattyq avıatsııa komıteti «Aeroflot» kompanııasyna ushýǵa qajetti ruqsattardy bergeni, onyń 27 naýryzǵa josparlanǵan reısteri keste boıynsha atqarylatyny naqtylandy. Reseılik avıakompanııanyń habarlaýynsha, 27 naýryzda saǵat 07.00 bastap Qazaqstanǵa barlyq reıster qalpyna keltirilgen: Atyraý, Aqtaý, Aqtóbe, Almaty, Astana, Qaraǵanda, Shymkent. Reseılik taraptyń rastaýy boıynsha «Eır Astana» kompanııasyna qatysty ruqsat berý jumystary jaqyn ýaqytta qalpyna keltiriledi», dedi Á. Jaınaqov.
Málimetter boıynsha «Aeroflot» 26 naýryzda usha almaǵan jolaýshylar ótinishine oraı bıletterdi basqa reıster boıynsha nemese jaqyn reısterge almastyrylǵanyn habarlaıdy (Atyraý - Astrahan ornyna, Almaty - Bishkek).
«Aeroflot» kompanııasynyń qyzmet kórsetý departamenti bólim basshysynyń orynbasary Elena Pastýhovanyń sózine qaraǵanda, 26 naýryz kúni Qazaqstanǵa ushyrylmaǵan reısterdiń barlyq jolaýshylary áýejaı mańyndaǵy qonaq úılerge jaıǵastyrylyp, úsh mezgil tamaqpen qamtamasyz etilgen, kútý termınaldarynda qajetti jaǵdaılar jasalǵan.
Budan bólek, SІM konsýldyq qyzmetkerleri jolaýshylarǵa usynylǵan qonaq úılerde bolyp, olardyń ornalasý jaǵdaılarymen de tanysyp qaıtqan. Qazaqstan azamattary tarapynan Elshilikke qandaı da bir ótinishter nemese shaǵymdar jasalmaǵan.
«Qazaqstan Elshiligi jaǵdaıdy baqylaýdy jalǵastyrady, eki memlekettiń múddeli memlekettik organdarymen, avıatsııalyq qyzmetterimen udaıy baılanysta otyr. Sheremetevo áýejaıynda elshilik qyzmetkerleri kezekshilikti uıymdastyrýda», - dedi SІM baspasóz qyzmetiniń jetekshisi.
Onyń aıtýyna qaraǵanda, búgingi Máskeý ýaqytymen saǵat 9-daǵy «Aeroflot» kompanııasyna tıesili «№SU 1940» reısi «Máskeý-Almaty» baǵytymen keste boıynsha saǵat 7.50 júzege asty. Budan bólek, Máskeýden Almatyǵa bet alǵan №KS872 reıs te qalypty tártippen júzege asty.
