QR shyǵysynda jaýyn-shashyn jaýyp, aýa temperatýrasynyń tómendeýi kútiledi
ASTANA. 8 mamyr. QazAqparat - 9 mamyrda Qazaqstan óńirleriniń basym deni jaýyn-shashynsyz aýa raıyn alyp keletin - antıtsıklonnyń yqpalynda bolady.
Frontaldyq bólikterdiń ótýimen birge shyǵysta keıbir jerlerde jaýyn-shashyn men aýa temperatýrasynyń tómendeýi, ońtústik pen ońtústik-shyǵysta jeldiń kúsheıýi kútiledi, dep habarlady Qazgıdrometke silteme jasap, TJM-niń baspasóz qyzmetinen.
Jambyl, Ońtústik Qazaqstan oblystarynda keıbir jerlerde jeldiń jyldamdyǵy 17-22 m/s deıin bolyp, keıbir jerlerde 30 metr sekýnd jyldamdyqpen shańdy daýyl soǵýy múmkin.
Almaty, Qyzylorda oblystarynda keıbir jerlerde jel 17-22 m/s jyldamdyqpen soǵyp, keıde 27 m/s deıin bolady dep kútilýde, Qyzylorda oblysynda - shań kóteriledi.
Soltústik Qazaqstan, Qostanaı oblystarynda túnde jáne tańerteń keıbir jerlerde tuman túsedi.
Shyǵys Qazaqstan oblysynda keıbir jerlerde jeldiń 15-20 m/s deıin kúsheıýi kútilýde.
Qyzylorda, Ońtústik Qazaqstan, Shyǵys Qazaqstan oblysynyń keıbir jerlerinde órt qaýiptiligi joǵary bolýy yqtımal.
Esterińizge sala keteıik, buǵan deıin Qazgıdromet daýyl týraly eskertken bolatyn: «9-10 mamyr kúnderi Jambyl, Ońtústik Qazaqstan oblystarynda shyǵystan soǵatyn jeldiń 17-22 m/s deıin kúsheıýi, jel ekpininiń 30 m/s deıin, keıbir jerlerde shańdy daýyldyń bolýy kútiledi. 9-10 mamyr kúnderi Almaty, Qyzylorda oblystarynda keıbir jerlerde soltústik-shyǵystan jeldiń 17-22 m/s deıin kúsheıýi, jel ekpiniń 27 m/s deıin, keıbir jerlerde shańdy daýyldyń bolýy yqtımal. 9-10 mamyr túnderinde Shyǵys Qazaqstan oblysynda keıbir jerlerde aýa temperatýrasynyń 0-5 gradýsqa deıin tómendeýi kútiledi».
