QR shekarashylary Máskeýdegi qolma-qol urys boıynsha XX halyqaralyq týrnırde jalpykomandalyq ІІ oryndy jeńip aldy
ASTANA. 10 maýsym. QazAqparat - Máskeýde Reseı FQQ Golıtsyn shekara ınstıtýtynyń sport bazasynda Reseıdiń kúsh qurylymdary jáne TMD elderi shekara mekemeleriniń komandalary arasynda qolma-qol urys boıynsha XX halyqaralyq týrnır ótti.
Bul týraly QR UQK Shekara qyzmetiniń baspasóz qyzmetinen habarlaıdy.
Halyqaralyq arenada Qazaqstan Respýblıkasy UQK Shekara qyzmetiniń namysyn 11 adam qorǵady. Jarysqa 22 komanda qatysty, sonyń ishinde 4-eýi - TMD elderinen - Armenııa, Belarýs, Qazaqstan jáne Reseıden. Bul degenimiz 100-den astam jaýynger shekarashylar.
Qazaqstan quramasynyń músheleri joǵary sporttyq rýh pen jeńiske degen jiger tanytty. Nátıjesinde bizdiń shekarashylar jalpykomandalyq ІІ oryndy ıelendi.
Jekeleı synda Qazaqstan shekarashylarynyń qorjynynda - 2 altyn, 2 kúmis jáne 1 qola medal bar.
75 kg deıingi salmaq dárejesinde - I oryndy QR UQK Shekara qyzmetiniń 2029 ásker bóliminiń áskerı qyzmetshisi serjant Temirlan Yshanǵalıev aldy. 90 kg deıingi salmaq dárejesinde «altyn» júldeni QR UQK Shekara qyzmetiniń «Ońtústik» aımaqtyq basqarmasy 2020 ásker bóliminiń áskerı qyzmetshisi serjant Nursultan Talasov ıelendi. 60 kg deıingi salmaqta - «kúmis» QR UQK ShQ «Shyǵys» aımaqtyq basqarmasynyń 2101 ásker bóliminiń áskerı qyzmetshisi serjant Berik Shynálıevte. 80 kg deıingi dárejede II oryndy QR UQK ShQ «Shyǵys» aımaqtyq basqarmasynyń 2534 ásker bóliminiń áskerı qyzmetshisi kishi serjant Nurlan Tilembetov aldy. 70 kg deıingi salmaq dárejesinde QR UQK Shekara qyzmetiniń «Ońtústik» aımaqtyq basqarmasynyń 2020 ásker bóliminiń áskerı qyzmetshisi kishi serjant Danııar Omarov «qola júldeger» atandy.
