QR Shahmat federatsııasy qyzmetin toqtatpaıdy
ASTANA. QazAqparat - 7 aqpan kúni Qazaqstannyń shahmat federatsııasynyń basshylyǵy onyń aǵymdaǵy jyly qyzmeti men josparlary boıynsha keńes ótkizdi, dep habarlaıdy uıymnyń baspasóz qyzmetinen.
«Federatsııa óz qyzmetin toqtatqan joq jáne toqtatpaıtynyn habarlaıdy. QShF atqarýshy dırektsııasynyń qyzmetkerlerine jurtshylyqty teris aqparattandyrǵany úshin eskertý jasaldy. Másele, únemdeý rejımine ótý, artyq shyǵyndardy qysqartý jáne sheteldegi jarystarǵa barý sanyn qysqartý týraly bolǵan», delingen Qazaqstannyń Shahmat federatsııasynan.
Ótken jyly Qazaqstan shahmatshylary Frantsııa, Brazılııa, Grekııa, Norvegııa, Túrkııa, Reseı, Iran, Ózbekstan jáne BAÁ sııaqty elderde ótken 20 jarysqa qatysty.
«Bıyl shahmatshylarymyzdyń Taıland, Grekııa, Reseı, Ózbekstan, Qytaı jáne Italııada ótetin halyqaralyq deńgeıdegi 8 jarysqa qatysýy josparlanyp otyr. Sheteldegi jarystarǵa shyǵýdy qysqartýǵa qaramastan, el ishindegi jarys sany ózgermeıdi», dep naqtylady Federatsııada.
QR Mádenıet jáne sport mınıstrliginiń jelisi boıynsha respýblıkadaǵy jarystardy ótkizýge jalpy somasy 20 mln. teńge, sondaı-aq sportshylardy 2015 jylǵy halyqaralyq jarystar qatarynda qatysýǵa jiberý josparlanǵan.
Federatsııanyń odan da belsendi jumysy úshin jáne qazaqstandyq shahmatshylardyń el ishinde, sondaı-aq sheteldegi jarystarǵa qatysýy úshin qosymsha qarajat qajet. Sondyqtan, qazirgi kezde demeýshilermen jumys júrgizilý ústinde.
