QR Shahmat federatsııasy FIDE basshysyn «Jeńis» ordenimen marapattady
ASTANA. QazAqparat - Halyqaralyq shahmat kúnine oraı, elordada "ASTANA OPEN 2017" halyqaralyq shahmat týrnıri bastaldy, dep habarlaıdy «QazAqparat» HAA tilshisi.
On kúnge jalǵasatyn halyqaralyq shahmat merekesine 12 memleketten 600-ge jýyq qatysýshy jınaldy.
Týrnırdiń saltanatty ashylý rásimine Halyqaralyq shahmat federatsııasynyń (FIDE) prezıdenti Kırsan Ilıýmjınov, Qazaqstan Shahmat federatsııasynyń vıtse-prezıdenti Jandos Ábish, QR Mádenıet jáne sport mınıstrligi Sport jáne dene tárbıesi komıtetiniń tóraǵasy Elsııar Qanaǵatov, Astana shahmat federatsııasynyń prezıdenti Abylaı Tastambekov qatysty.
«Barlyq shahmatsúıer qaýymdy Halyqaralyq shahmat kúniniń 50 jyldyǵymen quttyqtaımyn. Shahmat - ıÝNESKO halyqaralyq kún jarııalaǵan jalǵyz sport túri. Dástúrge aınalǵan Astana Open týrnıri álemniń kóptegen elderine belgili. Bıyl Astanada ótip jatqan «EKSPO-2017» kórmesin de erekshe atap ótkim keledi. Shet memleketterden kelgen qatysýshylar halyqaralyq kórmeni tamashalaý múmkindigine ıe boldy», - dedi Kırsan Ilıýmjınov.
Sondaı-aq, saltanatty ashylý barysynda Qazaqstan Shahmat federatsııasynyń vıtse-prezıdenti Jandos Ábish FIDE basshysy Kırsan Ilıýmjınovty «Jeńis» ordenimen marapattady. Óz kezeginde, FIDE basshysy «Qazaq Shahmat federatsııasyna qyzmet etemin!» dep ant berdi jáne álemniń 1 mıllıard halqy shahmat oınaýdy úırengende ǵana ózin naǵyz jeńimpaz dep sanaıtynyn jetkizdi.
«Birneshe jyl buryn aldymyzǵa erekshe maqsat qoıyp edik, 2020 jylǵa deıin álemniń 1 mıllıard halqy shahmat oınaýdy úırense dep armandadyq. Kóp uzamaı sol armanymyz oryndalatyn tárizdi. Oǵan Qazaqstan shahmat federatsııasynyń qosqan úlesi zor. Búgin tańerteń grossmeıster Dınara Sádýaqasovanyń shahmat akademııasyna bardym, eki saǵat buryn demeýshilerdiń qarajatyna qurylǵan Astana shahmat klýbynyń tusaýkeserine qatystym. Sońǵy jyldary qazaqstandyq shahmatshylardyń deńgeıi aıtarlyqtaı kóterildi», - dep atap ótti Ilıýmjınov.
Astana Open -2017 aıasynda 22-26 shilde kúnderi Qazaqstan shahmat federatsııasy FIDE tóreshilerine arnalǵan semınar ótkizedi. Onda erejeler boıynsha FIDE komıssııasynyń tóraǵasy, FIDE dárisshisi, halyqaralyq tóreshi Ashot Vardapetıan trenıng ótkizedi. 
1924 jyly 20 shildede Parıj qalasynda Álemdik shahmat federatsııasynyń negizi qalandy. Al 1966 jyly ıÝNESKO bul kúndi Halyqaralyq shahmat kúni dep jarııalady. Búginde shahmat - ıÝNESKO sheńberinde atalyp ótetin jalǵyz sport túri.
