QR Senatynyń jańa veb-saıty iske qosyldy

NUR-SULTAN. QazAqparat –Búginnen bastap Qazaqstan Respýblıkasy Parlamenti Senatynyń jańa veb-saıty iske qosyldy, dep habarlaıdy QazAqparat vedomstvonyń baspasóz qyzmetine silteme jasap.

Veb-saıtqa https://senate.parlam.kz/ siltemesi arqyly kirýge bolady.

Jańartylǵan resmı saıt arqyly senatorlarmen baılanys jasaý múmkindigi keńeıdi. Senat depýtattarynyń jeke paraqshalarynda ótinish ne qyzyqtyratyn suraqtardy qaldyrýǵa bolady. Zań jobasyn usyný aıdarynda kez kelgen azamat turaqty komıtetterdiń qaraýyna zańdardy usyna alady. Sondaı-aq, portalda mańyzdy qujattar, zań jobalary, stennogrammalar tolyǵymen jarııalandy. Depýtattyq saýaldar men palatanyń usynystaryn bólek aıdardan kórýge bolady.

Senattyń plenarlyq otyrystary, komıtet jıyndary men basqa da is-sharalary tikeleı efır arqyly kórsetiledi.

Saıt arqyly Senattyń áleýmettik jelilerdegi resmı paraqshalaryna da ótýge bolady. Jańalyqtardy áleýmettik jeliler arqyly oqıtyndar úshin:

Instagram: https://www.instagram.com/senate_kz/

Facebook: https://www.facebook.com/senat.qazaqstan

Twitter: https://twitter.com/senate_kz

Youtube: https://www.youtube.com/channel/UCN7ci5peVk5J1KdWckbyKBA

Esterińizge sala keteıik, Senat tóraǵasy Darıǵa Nazarbaeva IV sessııa qorytyndysy boıynsha ótken Senat otyrysynda palata qyzmeti barynsha ashyq bolatynyn aıtqan edi.

«Bul baǵytta birqatar jumystar qolǵa alyndy. Senattyń saıty jańartylyp, Parlament joǵarǵy palatasynyń zańnamalyq jáne jumys materıaldaryna kúzden bastap qol jetimdi bolady»,- dedi D. Nazarbaeva.