QR Senat spıkeri Nıtstsadaǵy lańkestik qurbandaryna qatysty kóńil aıtty
ASTANA. QazAqparat - Qazaqstan Respýblıkasy Parlamentiniń Senat tóraǵasy Qasym-Jomart Toqaev Nıtstsadaǵy lańkestik oqıǵasyna baılanysty frantsýz halqyna kóńil aıtty.
«Nıtstsadaǵy lańkestikte qurbandary úshin kóńil aıtamyn. Kóptegen adam, onyń ishinde balalar mert boldy. Terrorızmge qarsy kúrestegi kúshimizdi biriktirý qajet», - dep jazdy óziniń Tvıtter akkaýntyna Q.Toqaev.
Esterińizge sala keteıik, shildeniń 14-i kúni Nıtstsa jaǵalaýynda Bastılııa qamalyn alý kúnin toılaý barysynda júk kóligi adamdardy basyp-janshyp, keıin kólikten jıylǵan jurtqa oq atqan. Shabýyl saldarynan 84 adam qaza tapty, onyń ishinde balalar bar, taǵy 18-i aýyr jaraqat aldy, 100-den astamy jaraqattandy. Frantsııalyq BAQ júk kóliginen 31 jastaǵy Nıtstsa turǵynynyń jeke kýáligin tapqanyn, onyń Frantsııamen qatar Týnıs azamaty bolǵanyn habarlady. Polıtsııa júk kóliginiń júrgizýshisin atyp tastady. Kúsh qurylymdary onyń sybaılastarynyń bolǵanyn ne bolmaǵanyn anyqtap jatyr.
