QR saıası júıesin ári qaraı damytý boıynsha memlekettik organdarǵa arnalǵan birqatar usynystardyń tizimi jasalady

ASTANA. 22 shilde. QazAqparat - Kúzde «Demokratııa máseleleri jónindegi 2020 jylǵa deıingi is-qımyldyń ulttyq josparyn» daıyndaý aıasynda Qazaqstanda QR saıası júıesin ári qaraı damytý boıynsha halyqaralyq qaýymdastyqtyń memlekettik organdarǵa arnalǵan birqatar usynystarynyń tizimi jasalady. Bul týraly búgin Astanada QR Syrtqy ister mınıstrliginiń Arnaıy tapsyrmalar jónindegi elshisi Úsen Súleımen málim etti.

«Men bıylǵy jyldyń kúzinde, shamamen qyrkúıek-qazan aılarynda bizdiń memlekettik organdardyń jumysyna saı keletin atalmysh usynystardy alatynymyzǵa úmittenemin. Bul usynystar Astanada baspasóz máslıhaty barysynda jarııalanatyn bolady», - dep atap ótti Ú. Súleımen búgin elordada EQYU-nyń adam quqyqtaryn qorǵaý júıesin damytýǵa arnalǵan dóńgelek ústel jıynynda.

Elshiniń aıtýynsha, qazirgi ýaqytta QR SІM-niń «Adamı ólshem jónindegi únqatys alańy» konsýltatıvtik-keńes organy (KKO) Qazaqstandaǵy saıası júıeniń ári qaraı damýyna arnalǵan 68 usynys daıyndaǵan. Búgingi ýaqytqa deıin KKO-nyń barlyq salalary boıynsha 3 otyrys ótkizildi.

«Ár kezdesýde jasalǵan usynystardy biz Qazaqstannyń memlekettik organdaryna joldap otyrdyq. Olar óz kezeginde árbir usynystyń atalmysh organnyń jumysyna qanshalyqty qatysy baryn aıqyndap berip otyrdy. Sonyń negizinde biz usynystardyń memlekettik organ jumysyna sáıkestiligin jasaýǵa tyrystyq», - deıdi elshi.

Ótken jyldyń sońynda bastalǵan KKO-nyń suhbat alańynyń tórtinshi otyrysy 20 qyrkúıekke belgilendi. Onda adamdardyń jeke quqyqtary men bostandyǵyna qatysty taqyryp keńinen talqylanbaq.